Ministri i Brendshëm, Saimir Tahiri, ka propozuar zëvendësdrejtorin e ri të Policisë së Tiranës. Mësohet se në këtë post është propozuar Pandeli Sulla, i cili është emëruar ditën e sotme nga drejtori i Policisë së Shtetit, Hysni Burgaj.
Ky i fundit emërohet në këtë post në vend të Erzen Breçanit, i cili u shkarkua nga Tahiri dhe tashmë është transferuar në Policinë e Dibrës.
Fillimisht në postin e zëvendësdrejtorit të Policisë së Tiranës u emëruar Arben Hysenaj, por emërimi i tij i bërë nga ana e drejtorit të Policisë së Shtetit, Hysni Burgaj, nuk është pranuar nga Tahiri.
Në media u fol se Hysenaj ishte propozim i Tahirit, por në fakt rezulton se ai u emërua nga ana e Hysni Burgajt.