Një koleksion fotosh tregon më së miri si po klonohet lideri i ri i PD-së.
Lulëzim Basha dhe Sali Berisha, në pozicione të ndryshme, shfaqen njësoj.
Basha bën kujdes t’i imitojë çdo gjë, që nga pozicioni i duarve deri tek veshja.
Dhe në fund dhe përpjekjen për t’u dukur i përunjur para tij.
Një student i Dhjetorit, i indinjuar, ka agresuar në Facebook Bashën, duke i kujtuar se reformimi i PD nuk mund të bëhet pa u shkëputur nga Berisha. Si do të bëhet, pyet ai?
“Me kryetar grupi dikë që në çdo 3 fjalë, 2 i ka fjalor rrugësh? Me një “anëtar të thjeshtë” që flet në emër të grupit, vendos vetë kur duhet bojkotuar seanca apo nisur protestat? Me një Kaç Islam që pasi bëri një jetë komunistin konservator, tani bën demokratin konservator? Me ca emra të rastësishëm që erdhën në politike me xhaketa borxh dhe sot kanë në pronësi vila, zona turistike, prona pafund dhe miliona në kontot bankare? Me ndonjë zonjë, që rënien e saj të merituar nga posti e quan tragjedi për Shqipërinë dhe kombin shqiptar? Me të vetmin person të deleguar në krye të parlamentit që ishte pjesë e nomenklaturës ramiziste më 1988? Me alibitë bajate për Metën dhe shpresën se gjatë vjedhjes së radhës do prishet me Ramën e do rikthehet tek Muli? JO, JO, JO, JO!”.
