Një tragjedi e rëndë është shënuar në brigjet e Maltës para pak ditësh.
Sipas Organizatës Ndërkombëtare për Emigrimin (IOM), një anije me 500 klandestinë është mbytur, duke sjellë vdekjen e shumicës dërrmuese në bord.
Sipas dy dëshmitarëve, anija është goditur nga një anije tjetër.
Në total vetëm nëntë persona i mbijetuan ngjarjes së rëndë.
Anija kishte sirianë, palestinezë, egjiptianë dhe sudanezë.
Të mbijetuarit thanë se trafikantët u kishin kërkuar klandestinëve- mes tyre edhe gra e fëmijë- që të zhvendoseshin në një anije më të vogël dhe më pak të sigurt.
Kur ata refuzuan, ata e mbytën anijen e madhe.
Sipas IOM, anija u nis nga Damietta në Egjipt në fillim të shtator.
Më shumë se 2500 persona mendohet se janë mbytur në Mesdhe këtë vit.
Lajmi për këtë tragjedi në brigjet e Maltës vjen pasi një tjetër mjet lundrues me 250 persona u mbyt në brigjet e Libisë.
Mbi 200 persona humbën jetën në këtë incident.