Greqia e ka nisur shumë keq Botërorin e Brazilit.
Fqinjët tanë kanë humbur 3-0 me Kolumbinë.
Vendi amerikano-jugor shënoi shumë shpejt, që në minutën e 5, ndërsa dyfishoi me fillimin e pjesës së dytë.
Grekët janë përpjekur disa herë të shënojnë dhe kanë pasur disa raste të mira.
Fillimisht ishte greku me origjinë shqiptare, Panajot Kone, ai që u ndal nga portieri pas një gjuajtje të bukur jashtë zone.
Rastin më të mirë të ndeshjes e pati Gekas, që me portën bosh goditi traversën me kokë.
Në fund, Kolumbia shënoi edhe golin e tretë.
Me këtë fitore Kolumbia hodhi një hap të rëndësishëm drejt kualifikimit, ndërsa Greqia ia komplikoi gjërat vetes.