Një gjykatë në Iran ka vendosur që një person të dënohet me nxjerrje sysh pasi i ka hedhur acid në fytyrë një vajze të re, duke bërë që ajo të humbasë shikimin.
Përveç kësaj, gjykata e lartë e këtij vendi ka konfirmuar se është e ligjshme që atij t’i pritet edhe veshi i djathtë dhe hunda si ndëshkim.
Muajin e shkuar, një agjenci shtetërore raportoi se një tjetër iranian ishte dënuar me prerjen e dorës si ndëshkim për një krim të paspecifikuar.
Deri më tani Irani ka ekzekutuar 95 persona.
Vitin e shkuar janë ekzekutuar rreth 600 persona, mes tyre të paktën 28 gra e dy fëmijë.
Këto shifra kanë alarmuar organizatat e të drejtave të njeriut.