Një atentat i tipit mafioz u shënua në orët e mbrëmjes në Milot.
Si pasojë gjetën vdekjen dy të rinj, ndërkohë që u plagos një tjetër.
Raportohet se persona të paidentifikuar i kanë zënë pritë një makine tip VW Golf 5 dhe kanë qëlluar mbi të.
Nga të dhënat e para të policisë mësohet se viktimat kanë qenë duke udhëtuar me makinë në momentin kur persona ende të paidentifikuar i kanë zënë pritë pranë një pike inertesh, poshtë urës së Milotit.
Si pasojë e plumbave kanë humbur jetën dy persona Klodian Ndreca 28 vjeç dhe Taulant Prendi 25 vjeç si dhe është plagosur Aurel Prendi 21 vjeç.
Autorët e atentatit ende nuk janë identifikuar, ndërkohë që efektivët e policisë kanë nisur hetimet për të zbardhur ngjarjen.
Sipas policisë, 21-vjeçari Aurel Prendi është vëllai i viktimës Taulant Prendi.