Punonjësit e Kontrollit të Lartë të Shtetit kanë filluar që të llogarisin si aktivitete zyrtare apo punë, edhe rastet kur marrin pjesë nëpër ceremoni martese apo fejese.
Për më tepër, këto pjesëmarrje hidhen edhe në faqen zyrtare të institucionit duke e shoqëruar me foto.
“Në datë 10.07. 2014 në Ambientet e Kompleksit “Xibraku” ku u zhvillua ceremonia e martesës së vajzës së Z. Bajram Lamaj, Drejtor i Departamenti i Auditimit të Buxhetit të Pushtetit Vendor, Auditimit të Territorit, Administrimit të Aseteve të Qëndrueshme.
Në event mori pjesë kryetari Bujar Leskaj dhe stafi i KLSH, të cilët i uruan çiftit jetë të lumtur”, thuhet në njoftimin në faqen zyrtare të KLSH-së.