Arratisja e një tigri afër Disneyland në Paris ka alarmuar kryeqytetin francez. Disneyland është vendi më i vizituar i kryeqytetit francez, ndërsa policia u ka bërë thirrje njerëzve që të qëndrojnë brenda shtëpive të tyre.
Rreth 60 policë, forca zjarrëfikëse dhe forca të tjera sigurie janë në terren për të gjetur tigrin. Tigri, i cili mësohet se nuk është i rritur, sipas autoriteteve mund të peshojë deri në 70 kilogram.
Policia ka përdorur edhe helikopter për të ndihmuar në gjetjen e kafshës së egër, e rrezikshme për njeriun.
Policia dhe skuadrat e shpëtimit në vendngjarje kanë rrethuar një perimetër sigurie dhe autoritetet e shtuara u bënë thirrje njerëzve që jetojnë në Montevrain, Chessy dhe Chalifert që rrijnë në ambiente të mbyllura. Në qoftë se ata kanë planifikuar të udhëtojnë, policia i këshilloi ata që të qëndrojnë në makinat e tyre dhe mos të bëjnë shëtitje në natyrë.
Parc des Felins, një park i kafshëve të egra rreth 18 milje larg nga Montevrain, në një deklaratë të lëshuar në faqen zyrtare të internetit tha se tigri nuk është arratisur nga parku i tyre, pasi ata numëruan gjithë kafshët etyre.
EuroDisney, operatori i Disneyland në Paris, tha se ata nuk mbajnë tigra në par, ndaj tigri nuk është arratisur prej tyre.
Ndërsa zyra e kryetarit të Montevrain hodhi poshtë idenë se tigri mund të kishte shpëtuar nga një cirk që u luajt në qytet ditnë e shtunë, raportoi Le Parisien.
E sigurtë është që tigri është pikasur të endet i lirë, por se nga ka ardhur dhe nëse do të gjendet kjo mbetet për ty parë në orët në vazhdim.
Disneyland Paris mbahet si destinacion turistik numër një i Evropës, ku vetëm në vitin 2013 pati 14.900.000 vizitorë./j.h
