Ka shkaktuar një reagim të ashpër në rrjetet sociale në Brazil një anketë e fundit, që ka arritur në përfundimin se 65 përqind e brazilianëve medojnë se femrat që zbulohen më shumë se ç’duhet, meritojnë të sulmohen.
Javën e fundit, një institut i njohur në Brazil publikoi një raport në lidhje me ngacmimet seksuale dhe përdhunimet.
Ata pyetën 3800 njerëz në mbarë vendin nëse e meritojnë të përdhunohen femrat që veshin rroba që zbulojnë trupin.
Rreth 65 përqind thanë se bien dakord deri në njëfarë mase.
Më shumë se gjysma binin dakord se nëse femrat do dinin si të silleshin, do kishte më pak përdhunime.
Por këto përfundime kanë provokuar një valë zemërimi online.
Një fushatë ka nisur në Facebook, e titulluar “Unë nuk e meritoj të përdhunohem”.
Fushata ka nisur nga një gazetare, e quajtur Nana Queiroz, e cila ka postuar vetë e zhveshur përpara godinës së kongresit brazilian.