Ukraina ka lëshuar një urdhër arresti për ish- presidentin Viktor Janukoviç.
Lajmin e bëri të ditur ministri i Brendshëm i përkohshëm.
Sipas BBC, Arsen Avakov shkroi në Facebook se ndaj tij dhe të tjerëve zyrtarë është hapur një hetim penale për vrasjen masive të qytetarëve paqësorë.
Deputetët ukrainas votuan për largimin e tij të shtunën, pas muajsh protestash që nisën pasi ai refuzoi një marrëveshje me Bashkimin Europian.
Protestat e javës së fundit lanë dhjetëra të vdekur.
Ministri i Brendshëm tha se Janukuviç është parë të dielën, bashkë me një ndihmës. Më pas ata janë larguar me makinë, në një destinacion të paditur.
Ndërkohë ministri i përkohshëm i Financave, Juri Kolobov deklaroi se Ukraina ka nevojë urgjente për 35 miliardë dollarë ndihmë. Ai kërkoi që të mbahet një konferencë e donatorëve ndërkombëtarë për këtë çështje.