Ky është momenti kur ish- kryeministrja e Ukrainës, Yulia Tymoshenko lë burgun pasi parlamenti votoi pro lirimit të saj.
Duke folur pas lirimit, ajo tha se tashmë diktatura ka rënë.
Ajo u dënua me shtatë vite burg në vitin 2011, pas një vendimi kontrovers.
Ajo u akuzua se kishte abuzuar me detyrën pasi kishte nënshkruar një marrëveshje për furnizimin me gaz nga Rusia, e cila dizavantazhonte Ukrainën.
Por ajo i hodhi poshtë akuzat, duke thënë se janë të motivuara politikisht nga Yanukovych, personi, të cilin ajo ndihmoi për ta rrëzuar nga pushteti në vitin 2004, por që u kthye për ta mundur atë në zgjedhjet presidenciale të vitit 2010.
